agar yuu.n hijr me.n ba.Dhtaa gayaa din

agar yuuñ hijr meñ baḌhtā gayā din

phir apnī raat kaisī aur kyā din

ḳhabar mujh ko nahīñ kuchh roz-o-shab kī

siyah rātoñ meñ merī kho gayā din

tujhe rozī milegī aur mujhe roz

uTh ai murġh-e-sahar le vo chaḌhā din

na kah mujh se ki ik din ā.uñgā maiñ

nahīñ apnī shab-e-andoh kā din

ye kaisī zindagī 'ḳhusro' ki har shab

baḌī mushkil se aatā hai mirā din

agar yun hijr mein baDhta gaya din

phir apni raat kaisi aur kya din

KHabar mujh ko nahin kuchh roz-o-shab ki

siyah raaton mein meri kho gaya din

tujhe rozi milegi aur mujhe roz

uTh ai murgh-e-sahar le wo chaDha din

na kah mujh se ki ek din aaunga main

nahin apni shab-e-andoh ka din

ye kaisi zindagi 'KHusro' ki har shab

baDi mushkil se aata hai mera din