bahaar aa.ii hu.aa taaza phir jahaa.n meraa

bahār aa.ī huā taaza phir jahāñ merā

sabā ke dosh pe aayā vo jān-e-jāñ merā

maiñ sair-e-bāġh ko jā.ūñ magar mire hamdam

nazar to aa.e kahīñ mujh ko gulsitāñ merā

churā ke laao kahīñ se kisī kī tābish-e-husn

ki phir chamak uThe ye naqsh-e-be-nishāñ merā

ye mere kaan to sunte nahīñ mirī āvāz

sune vo kis tarah ye qissa-e-fuġhāñ merā

uḌā jo us kī taraf murġh-e-jāñ to mujh se kahā

ki maiñ chalā tū sañbhāl aa ke āshiyāñ merā

bahaar aai hua taza phir jahan mera

saba ke dosh pe aaya wo jaan-e-jaan mera

main sair-e-bagh ko jaun magar mere hamdam

nazar to aae kahin mujh ko gulsitan mera

chura ke lao kahin se kisi ki tabish-e-husn

ki phir chamak uThe ye naqsh-e-be-nishan mera

ye mere kan to sunte nahin meri aawaz

sune wo kis tarah ye qissa-e-fughan mera

uDa jo us ki taraf murgh-e-jaan to mujh se kaha

ki main chala tu sanbhaal aa ke aashiyan mera