dard kaa kuchh hai na darmaa.n al-madad

dard kā kuchh hai na darmāñ al-madad

had se guzrā karb-e-hijrāñ al-madad

dīn-o-dil chhīnā thā ab hai qasd-e-jāñ

al-madad uf jaur-e-ḳhūbāñ al-madad

ek bose ke 'evaz māñge haiñ jaañ

kitne zālim haiñ hasīnāñ al-madad

pī liyā kāfir diloñ ne ḳhuuñ mirā

kuchh to darmāñ ahl-e-īmāñ al-madad

ho ke be-ḳhud misl-e-'hāfiz' roz-o-shab

maiñ bhī huuñ nālāñ-o-giryāñ al-madad

dard ka kuchh hai na darman al-madad

had se guzra karb-e-hijran al-madad

din-o-dil chhina tha ab hai qasd-e-jaan

al-madad uf jaur-e-KHuban al-madad

ek bose ke 'ewaz mange hain jaan

kitne zalim hain hasinan al-madad

pi liya kafir dilon ne KHun mera

kuchh to darman ahl-e-iman al-madad

ho ke be-KHud misl-e-'hafiz' roz-o-shab

main bhi hun nalan-o-giryan al-madad