is buu-e-gul ne phir mujhe diivaana kar diyaa

is bū-e-gul ne phir mujhe dīvāna kar diyā

bād-e-sabā ne 'aql se begāna kar diyā

gul ne kuchh is adā se jalāyā charāġh-e-husn

be-chārī 'andalīb ko parvāna kar diyā

vo āshnā ḳhud aap mirī jaan hī to hai

yuuñ jis ne mujh ko jaan se begāna kar diyā

mujh ko ḳhabar nahīñ ki kise kahte haiñ parī

mujh ko to tere husn ne dīvāna kar diyā

kyā pūchhte ho dosto 'ḳhusro' ke dil kā haal

is ne to ek kā'be ko but-ḳhāna kar diyā

is bu-e-gul ne phir mujhe diwana kar diya

baad-e-saba ne 'aql se begana kar diya

gul ne kuchh is ada se jalaya charagh-e-husn

be-chaari 'andalib ko parwana kar diya

wo aashna KHud aap meri jaan hi to hai

yun jis ne mujh ko jaan se begana kar diya

mujh ko KHabar nahin ki kise kahte hain pari

mujh ko to tere husn ne diwana kar diya

kya puchhte ho dosto 'KHusro' ke dil ka haal

is ne to ek ka'be ko but-KHana kar diya