kinaara nahii.n is bayaabaan me.n

kināra nahīñ is bayābān meñ

nahīñ hai qarār is dil-o-jān meñ

jahāñ dar jahāñ naqsh tajsīm haiñ

hamāre vujūd in meñ haiñ kaun se

burīda jo sar aa.e rah meñ nazar

luḌhaktā ravāñ ho jo maidān meñ

tū asrār-e-dil us se pūchh us se pūchh

sunā degā sirr-e-nihāñ aan meñ

kahūñ kyā karūñ kyā ki ye dāstāñ

nahīñ hai mire hadd-o-imkān meñ

baham uḌ rahe haiñ kabak aur baaz

hamāre anokhe kuhistān meñ

pare saat aflāk se hai jo 'arsh

ham us samt uḌte haiñ jaulān meñ

salāh-e-haq-o-dīñ dikhā de tujhe

ki kyā husn thā mere sultān meñ

kinara nahin is bayaban mein

nahin hai qarar is dil-o-jaan mein

jahan dar jahan naqsh tajsim hain

hamare wujud in mein hain kaun se

burida jo sar aae rah mein nazar

luDhakta rawan ho jo maidan mein

tu asrar-e-dil us se puchh us se puchh

suna dega sirr-e-nihan aan mein

kahun kya karun kya ki ye dastan

nahin hai mere hadd-o-imkan mein

baham uD rahe hain kabak aur baz

hamare anokhe kuhistan mein

pare sat aflak se hai jo 'arsh

hum us samt uDte hain jaulan mein

salah-e-haq-o-din dikha de tujhe

ki kya husn tha mere sultan mein