tuu yaar hai dil-daar hai ik ‘aalam-e-asraar hai

tū yaar hai dil-dār hai ik ‘ālam-e-asrār hai

tū yūsuf-e-dīdār hai aur raunaq-e-bāzār hai

imsāl baazī laḌ ga.ī ham ko milā tujh se sanam

muflis haiñ ham tū hī hamārā ganj-o-sau-dīnār hai

ham thak chuke haiñ tū hamārā marham-e-bīmār hai

ham TūTe-phūTe tū hamārā mehrbāñ me'mār hai

maiñ ne kahā kal 'ishq se ai ḳhusrav-e-'ayyār sun

muñh mat chhupā tū ne hī chorī kī mirī dastār hai

us ne kahā achchhā to ye terā hī ulTā kaar hai

tū jo kahe bas vo hī dohrātā mirā kohsār hai

tu yar hai dil-dar hai ek ‘alam-e-asrar hai

tu yusuf-e-didar hai aur raunaq-e-bazar hai

imsal bazi laD gai hum ko mila tujh se sanam

muflis hain hum tu hi hamara ganj-o-sau-dinar hai

hum thak chuke hain tu hamara marham-e-bimar hai

hum TuTe-phuTe tu hamara mehrban me'mar hai

main ne kaha kal 'ishq se ai KHusraw-e-'ayyar sun

munh mat chhupa tu ne hi chori ki meri dastar hai

us ne kaha achchha to ye tera hi ulTa kar hai

tu jo kahe bas wo hi dohraata mera kohsar hai