vo kyaa manzil thii husn-o-'ishq kii kal shab jahaa.n mai.n thaa

vo kyā manzil thī husn-o-'ishq kī kal shab jahāñ maiñ thā

musalsal raqs meñ thī zindagī kal shab jahāñ maiñ thā

sarāpā husn vo nūr-e-mujassam vo qad-o-qāmat

har ik jalve meñ thī raḳhshandagī kal shab jahāñ maiñ thā

raqīb us ke qarīñ aur imtihāñ merī vafāoñ kā

qayāmat se na kam thī vo ghaḌī kal shab jahāñ maiñ thā

ḳhudā-e-pāk jis mahfil meñ 'ḳhusrav' jalva-farmā the

nabī kī zaat sham'-e-bazm thī kal shab jahāñ maiñ thā

wo kya manzil thi husn-o-'ishq ki kal shab jahan main tha

musalsal raqs mein thi zindagi kal shab jahan main tha

sarapa husn wo nur-e-mujassam wo qad-o-qamat

har ek jalwe mein thi raKHshandagi kal shab jahan main tha

raqib us ke qarin aur imtihan meri wafaon ka

qayamat se na kam thi wo ghaDi kal shab jahan main tha

KHuda-e-pak jis mahfil mein 'KHusraw' jalwa-farma the

nabi ki zat sham'-e-bazm thi kal shab jahan main tha