aur jaisaa ki aksar hotaa hai

aur jaisā ki mohabbat ke iḳhtitām par aksar hotā hai

avvalīn dinoñ kā aaseb hamāre paas lauT aayā

khiḌkī se rupahlā bed-e-majnūñ andar phail gayā

apnī mulā.im shāḳhoñ kī māh-numā ḳhūb-sūratī ke saath

parinde ne raushnī aur imbisāt kā giit gaanā shurū' kar diyā

hamāre liye jo zamīn se nazar uThāte hue Darte haiñ

jo behad maġhrūr talḳh aur hassās haiñ

un dinoñ ke baare meñ jab ham bāham bachā liye ga.e the

aur jaisa ki mohabbat ke iKHtitam par aksar hota hai

awwalin dinon ka aaseb hamare pas lauT aaya

khiDki se rupahla bed-e-majnun andar phail gaya

apni mulaim shaKHon ki mah-numa KHub-surati ke sath

parinde ne raushni aur imbisat ka git gana shuru' kar diya

hamare liye jo zamin se nazar uThate hue Darte hain

jo behad maghrur talKH aur hassas hain

un dinon ke bare mein jab hum baham bacha liye gae the