Today's top 5 Urdu Shayari

kise apnā banā.eñ koī is qābil nahīñ miltā

yahāñ patthar bahut milte haiñ lekin dil nahīñ miltā

kise apna banaen koi is qabil nahin milta

yahan patthar bahut milte hain lekin dil nahin milta

kamar bāñdhe hue chalne ko yaañ sab yaar baiThe haiñ

bahut aage ga.e baaqī jo haiñ tayyār baiThe haiñ

kamar bandhe hue chalne ko yan sab yar baiThe hain

bahut aage gae baqi jo hain tayyar baiThe hain

lafz o manzar meñ ma.ānī ko TaTolā na karo

hosh vaale ho to har baat ko samjhā na karo

lafz o manzar mein maani ko TaTola na karo

hosh wale ho to har baat ko samjha na karo

koī tohmat ho mire naam chalī aatī hai

jaise bāzār meñ har ghar se galī aatī hai

koi tohmat ho mere nam chali aati hai

jaise bazar mein har ghar se gali aati hai

kyuuñ pashemāñ ho agar va.ada vafā ho na sakā

kahīñ va.ade bhī nibhāne ke liye hote haiñ

kyun pasheman ho agar wada wafa ho na saka

kahin wade bhi nibhane ke liye hote hain