Today's top 5 Urdu Shayari

jab aa jaatī hai duniyā ghuum phir kar apne markaz par

to vāpas lauT kar guzre zamāne kyuuñ nahīñ aate

jab aa jati hai duniya ghum phir kar apne markaz par

to wapas lauT kar guzre zamane kyun nahin aate

kar rahā thā ġham-e-jahāñ kā hisāb

aaj tum yaad be-hisāb aa.e

kar raha tha gham-e-jahan ka hisab

aaj tum yaad be-hisab aae

irāde bāñdhtā huuñ sochtā huuñ toḌ detā huuñ

kahīñ aisā na ho jaa.e kahīñ vaisā na ho jaa.e

irade bandhta hun sochta hun toD deta hun

kahin aisa na ho jae kahin waisa na ho jae

jis tarah log ḳhasāre meñ bahut sochte haiñ

aaj kal ham tire baare meñ bahut sochte haiñ

jis tarah log KHasare mein bahut sochte hain

aaj kal hum tere bare mein bahut sochte hain

kah rahā hai shor-e-dariyā se samundar kā sukūt

jis kā jitnā zarf hai utnā hī vo ḳhāmosh hai

kah raha hai shor-e-dariya se samundar ka sukut

jis ka jitna zarf hai utna hi wo KHamosh hai