Top 5 Urdu Poetry

qadam milā ke zamāne ke saath chal na sake

bahut sambhal ke chale ham magar sambhal na sake

qadam mila ke zamane ke sath chal na sake

bahut sambhal ke chale hum magar sambhal na sake

Jigar Barelvi

ye intizār nahīñ sham.a hai rifāqat kī

is intizār se tanhā.ī ḳhūb-sūrat hai

ye intizar nahin shama hai rifaqat ki

is intizar se tanhai KHub-surat hai

Arshad Abdul Hamid

surḳh-rū hotā hai insāñ Thokareñ khāne ke ba.ad

rañg laatī hai hinā patthar pe pis jaane ke ba.ad

surKH-ru hota hai insan Thokaren khane ke baad

rang lati hai hina patthar pe pis jaane ke baad

Syed Gulam Mohammad Mast Kalkattvi

hamāre aib ne be-aib kar diyā ham ko

yahī hunar hai ki koī hunar nahīñ aatā

hamare aib ne be-aib kar diya hum ko

yahi hunar hai ki koi hunar nahin aata

Mirza Raza Barq

kahūñ kis se maiñ ki kyā hai shab-e-ġham burī balā hai

mujhe kyā burā thā marnā agar ek baar hotā

of gloomy nights alone and sad, to whom should I complain?

Dying just once would not be bad, but each evening again?

kahun kis se main ki kya hai shab-e-gham buri bala hai

mujhe kya bura tha marna agar ek bar hota

of gloomy nights alone and sad, to whom should I complain?

Dying just once would not be bad, but each evening again?

Mirza Ghalib

Today's top 5 Urdu Shayari