Today's top 5 Urdu Shayari

mire ḳhudā mujhe itnā to mo'tabar kar de

maiñ jis makān meñ rahtā huuñ us ko ghar kar de

mere KHuda mujhe itna to mo'tabar kar de

main jis makan mein rahta hun us ko ghar kar de

ilāhī kyā ilāqa hai vo jab letā hai añgḌā.ī

mire siine meñ sab zaḳhmoñ ke Tāñke TuuT jaate haiñ

ilahi kya ilaqa hai wo jab leta hai angDai

mere sine mein sab zaKHmon ke Tanke TuT jate hain

vo chāñd hai to aks bhī paanī meñ aa.egā

kirdār ḳhud ubhar ke kahānī meñ aa.egā

wo chand hai to aks bhi pani mein aaega

kirdar KHud ubhar ke kahani mein aaega

ye mohabbat kā fasāna bhī badal jā.egā

vaqt ke saath zamāna bhī badal jā.egā

ye mohabbat ka fasana bhi badal jaega

waqt ke sath zamana bhi badal jaega

zindagī kam paḌhe pardesī kā ḳhat hai 'ibrat'

ye kisī tarah paḌhā jaa.e na samjhā jaa.e

zindagi kam paDhe pardesi ka KHat hai 'ibrat'

ye kisi tarah paDha jae na samjha jae