Today's top 5 Urdu Shayari

jin se insāñ ko pahuñchtī hai hamesha taklīf

un kā da.avā hai ki vo asl ḳhudā vaale haiñ

jin se insan ko pahunchti hai hamesha taklif

un ka dawa hai ki wo asl KHuda wale hain

ek hī shai thī ba-andāz-e-digar māñgī thī

maiñ ne bīnā.ī nahīñ tujh se nazar māñgī thī

ek hi shai thi ba-andaz-e-digar mangi thi

main ne binai nahin tujh se nazar mangi thi

husn ke samajhne ko umr chāhiye jānāñ

do ghaḌī kī chāhat meñ laḌkiyāñ nahīñ khultīñ

husn ke samajhne ko umr chahiye jaanan

do ghaDi ki chahat mein laDkiyan nahin khultin

is zindagī meñ itnī farāġhat kise nasīb

itnā na yaad aa ki tujhe bhuul jaa.eñ ham

is zindagi mein itni faraghat kise nasib

itna na yaad aa ki tujhe bhul jaen hum

lafz o manzar meñ ma.ānī ko TaTolā na karo

hosh vaale ho to har baat ko samjhā na karo

lafz o manzar mein maani ko TaTola na karo

hosh wale ho to har baat ko samjha na karo