Beenai Shayari

ek shai thī ba-andāz-e-digar māñgī thī

maiñ ne bīnā.ī nahīñ tujh se nazar māñgī thī

ek hi shai thi ba-andaz-e-digar mangi thi

main ne binai nahin tujh se nazar mangi thi

Izhar Asar

ab apne chehre par do patthar se sajā.e phirtā huuñ

aañsū le kar bech diyā hai āñkhoñ bīnā.ī ko

ab apne chehre par do patthar se sajae phirta hun

aansu le kar bech diya hai aankhon ki binai ko

Shahzad Ahmad

ā.īna kaisā thā vo shām-e-shakebā.ī

sāmnā kar na sakā apnī bīnā.ī

aaina kaisa tha wo sham-e-shakebai ka

samna kar na saka apni hi binai ka

Saba Akbarabadi

bīnā.ī bhī kyā kyā dhoke detī hai

duur se dekho saare dariyā niile haiñ

binai bhi kya kya dhoke deti hai

dur se dekho sare dariya nile hain

Shariq Kaifi

ishq bīnā.ī baḌhā detā hai

jaane kyā kyā nazar aatā hai mujhe

ishq binai baDha deta hai

jaane kya kya nazar aata hai mujhe

Vikas Sharma Raaz

ain mumkin hai ki bīnā.ī mujhe dhoka de

ye jo shabnam hai sharāra bhī to ho saktā hai

ain mumkin hai ki binai mujhe dhoka de

ye jo shabnam hai sharara bhi to ho sakta hai

Ahmad Khayal

pal bhar meñ kaise log badal jaate haiñ yahāñ

dekho ki ye mufīd hai bīnā.ī ke liye

pal bhar mein kaise log badal jate hain yahan

dekho ki ye mufid hai binai ke liye

Shahryar

ro ro ke log kahte the jaatī rahegī aañkh

aisā nahīñ huaa, mirī bīnā.ī baḌh ga.ī

ro ro ke log kahte the jati rahegi aankh

aisa nahin hua, meri binai baDh gai

Nomaan Shauque

terī bīnā.ī kisī din chhīn legā dekhnā

der tak rahnā tirā ye ā.inoñ ke darmiyāñ

teri binai kisi din chhin lega dekhna

der tak rahna tera ye aainon ke darmiyan

Hastimal Hasti

apnī jalvagarī hai ye koī aur nahīñ

ġhaur se dekh agar aañkh meñ bīnā.ī hai

apni hi jalwagari hai ye koi aur nahin

ghaur se dekh agar aankh mein binai hai

Ismail Merathi

aañkh bīnā.ī gañvā baiThī to

terī tasvīr se manzar niklā

aankh binai ganwa baiThi to

teri taswir se manzar nikla

Hammad Niyazi

dhuup chhāñv koī khel hai bīnā.ī bhī

aañkh ko DhūñD ke laayā huuñ to manzar gum hai

dhup chhanw ka koi khel hai binai bhi

aankh ko DhunD ke laya hun to manzar gum hai

Rafi Raza

maiñ jise hiir samajhtā thā vo rāñjhā niklā

baat niyyat nahīñ baat hai bīnā.ī

main jise hir samajhta tha wo ranjha nikla

baat niyyat ki nahin baat hai binai ki

Zia-ul-Haq Qasmi

zindagī zulmateñ apne lahū meñ rach ga.iiñ

tab kahīñ kar hameñ āñkhoñ bīnā.ī milī

zindagi ki zulmaten apne lahu mein rach gain

tab kahin ja kar hamein aankhon ki binai mili

Afzal Minhas

yuuñ to ham ahl-e-nazar haiñ magar anjām ye hai

DhūñDte DhūñDte kho dete haiñ bīnā.ī tak

yun to hum ahl-e-nazar hain magar anjam ye hai

DhunDte DhunDte kho dete hain binai tak

Shahzad Ahmad

Related Tags