bigḌī huī is shahr kī hālat bhī bahut hai

jā.ūñ bhī kahāñ is se mohabbat bhī bahut hai

bigDi hui is shahr ki haalat bhi bahut hai

jaun bhi kahan is se mohabbat bhi bahut hai

har dam tirī shabīh thī āñkhoñ ke sāmne

tanhā bhī ham nahīñ the tire saath bhī na the

har dam teri shabih thi aankhon ke samne

tanha bhi hum nahin the tere sath bhi na the

jo sāmne thā us ke ḳhad-o-ḳhāl nahīñ yaad

vo yaad rahā jis ko zarā dekh liyā hai

jo samne tha us ke KHad-o-KHal nahin yaad

wo yaad raha jis ko zara dekh liya hai

maiñ tirā kuchh bhī nahīñ huuñ magar itnā to batā

dekh kar mujh ko tire zehn meñ aatā kyā hai

main tera kuchh bhi nahin hun magar itna to bata

dekh kar mujh ko tere zehn mein aata kya hai

Thahar ga.ī hai tabī.at ise ravānī de

zamīn pyaas se marne lagī hai paanī de

Thahar gai hai tabiat ise rawani de

zamin pyas se marne lagi hai pani de