Today's top 5 Urdu Shayari

jazbe kī kaḌī dhuup ho to kyā nahīñ mumkin

ye kis ne kahā sañg pighaltā hī nahīñ hai

jazbe ki kaDi dhup ho to kya nahin mumkin

ye kis ne kaha sang pighalta hi nahin hai

ḳhayāl jin kā hameñ roz-o-shab satātā hai

kabhī unheñ bhī hamārā ḳhayāl aatā hai

KHayal jin ka hamein roz-o-shab satata hai

kabhi unhen bhi hamara KHayal aata hai

ham ko ma.alūm hai jannat kī haqīqat lekin

dil ke ḳhush rakhne ko 'ġhālib' ye ḳhayāl achchhā hai

hum ko malum hai jannat ki haqiqat lekin

dil ke KHush rakhne ko 'ghaalib' ye KHayal achchha hai

maiñ sochtā huuñ bahut zindagī ke baare meñ

ye zindagī bhī mujhe soch kar na rah jaa.e

main sochta hun bahut zindagi ke bare mein

ye zindagi bhi mujhe soch kar na rah jae

kabhī kabhī to kisī ajnabī ke milne par

bahut purānā koī silsila nikaltā hai

kabhi kabhi to kisi ajnabi ke milne par

bahut purana koi silsila nikalta hai