maiñ sochtā huuñ bahut zindagī ke baare meñ

ye zindagī bhī mujhe soch kar na rah jaa.e

main sochta hun bahut zindagi ke bare mein

ye zindagi bhi mujhe soch kar na rah jae

maiñ yuuñ hī nahīñ apnī hifāzat meñ lagā huuñ

mujh meñ kahīñ lagtā hai ki rakkhā huā tū hai

main yun hi nahin apni hifazat mein laga hun

mujh mein kahin lagta hai ki rakkha hua tu hai

terī āñkhoñ ke liye itnī sazā kaafī hai

aaj kī raat mujhe ḳhvāb meñ rotā huā dekh

teri aankhon ke liye itni saza kafi hai

aaj ki raat mujhe KHwab mein rota hua dekh

maiñ ne jab ḳhud kī taraf ġhaur se dekhā to khulā

mujh ko ik mere sivā koī pareshānī nahīñ

main ne jab KHud ki taraf ghaur se dekha to khula

mujh ko ek mere siwa koi pareshani nahin

kabhī kabhī to ye vahshat bhī ham pe guzrī hai

ki dil ke saath hī dekhā hai Dūbnā shab kā

kabhi kabhi to ye wahshat bhi hum pe guzri hai

ki dil ke sath hi dekha hai Dubna shab ka