Today's top 5 Urdu Shayari

burā bure ke alāva bhalā bhī hotā hai

har aadmī meñ koī dūsrā bhī hotā hai

bura bure ke alawa bhala bhi hota hai

har aadmi mein koi dusra bhi hota hai

jo tire intizār meñ guzre

bas vahī intizār ke din the

jo tere intizar mein guzre

bas wahi intizar ke din the

purāne log dariyāoñ meñ nekī Daal aate the

hamāre daur kā insān nekī kar ke chīḳhegā

purane log dariyaon mein neki Dal aate the

hamare daur ka insan neki kar ke chiKHega

hai raam ke vajūd pe hindostāñ ko naaz

ahl-e-nazar samajhte haiñ us ko imām-e-hind

hai ram ke wajud pe hindostan ko naz

ahl-e-nazar samajhte hain us ko imam-e-hind

is qadar mahfūz rahtā hai ki vo

raam kā autār lagtā hai mujhe

is qadar mahfuz rahta hai ki wo

ram ka autar lagta hai mujhe