aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

Sher on Religious harmony

A creative writer, being

a participant-observer, also creates a paradigm of life. He is not conditioned by narrow conditions as he transcends faiths, cultures, customs, creeds, rituals, and considers all human beings with great catholicity. The verses collected under this category open up a liberal world before us and help us appreciate the meaning of life lived in amity and with solidarity.

hai raam ke vajūd pe hindostāñ ko naaz

ahl-e-nazar samajhte haiñ us ko imām-e-hind

hai ram ke wajud pe hindostan ko naz

ahl-e-nazar samajhte hain us ko imam-e-hind

Allama Iqbal

maz.hab nahīñ sikhātā aapas meñ bair rakhnā

hindī haiñ ham vatan hai hindostāñ hamārā

mazhab nahin sikhata aapas mein bair rakhna

hindi hain hum watan hai hindostan hamara

Allama Iqbal

sabhī ke diip sundar haiñ hamāre kyā tumhāre kyā

ujālā har taraf hai is kināre us kināre kyā

sabhi ke dip sundar hain hamare kya tumhaare kya

ujala har taraf hai is kinare us kinare kya

Hafeez Banarasi

merā maz.hab ishq maz.hab jis meñ koī tafrīq nahīñ

mere halqe meñ aate haiñ 'tulsī' bhī aur 'jāmī' bhī

mera mazhab ishq ka mazhab jis mein koi tafriq nahin

mere halqe mein aate hain 'tulsi' bhi aur 'jami' bhi

Qaisar Shameem

ai hindūo musalmāñ aapas meñ in dinoñ tum

nafrat ghaTā.e jaao ulfat baḌhā.e jaao

ai hinduo musalman aapas mein in dinon tum

nafrat ghaTae jao ulfat baDhae jao

Lal Chand Falak

suno hindū musalmāno ki faiz-e-ishq se 'hātim'

huā āzād qaid-e-maz.hab-o-mashrab se ab fāriġh

suno hindu musalmano ki faiz-e-ishq se 'hatim'

hua aazad qaid-e-mazhab-o-mashrab se ab farigh

Shaikh Zahuruddin Hatim

ye kis maz.hab meñ aur mashrab meñ hai hindū musalmāno

ḳhudā ko chhoḌ dil meñ ulfat-e-dair-o-haram rakhnā

ye kis mazhab mein aur mashrab mein hai hindu musalmano

KHuda ko chhoD dil mein ulfat-e-dair-o-haram rakhna

Shaikh Zahuruddin Hatim

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now