jatate rahte hain ye hadse zamane ke
jatāte rahte haiñ ye hādse zamāne ke
ki tinke jamā kareñ phir na āshiyāne ke
sabab ye hote haiñ har sub.h baaġh jaane ke
sabaq paḌhāte haiñ kaliyoñ ko muskurāne ke
hazāroñ ishq-e-junūñ-ḳhez ke bane qisse
varaq hue jo pareshāñ mire fasāne ke
haiñ e'tibār se kitne gire hue dekhā
isī zamāne meñ qisse isī zamāne ke
qarār-e-jalva-numā.ī huā hai fardā par
ye tuul dekhiye ik muḳhtasar zamāne ke
na phuul murġh-e-chaman apnī ḳhush-navā.ī par
javāb haiñ mire naale tire tarāne ke
usī kī ḳhaak hai māthe kī zeb banda-navāz
jabīñ pe naqsh paḌe haiñ jis āstāne ke
jatate rahte hain ye hadse zamane ke
ki tinke jama karen phir na aashiyane ke
sabab ye hote hain har subh bagh jaane ke
sabaq paDhate hain kaliyon ko muskurane ke
hazaron ishq-e-junun-KHez ke bane qisse
waraq hue jo pareshan mere fasane ke
hain e'tibar se kitne gire hue dekha
isi zamane mein qisse isi zamane ke
qarar-e-jalwa-numai hua hai farda par
ye tul dekhiye ek muKHtasar zamane ke
na phul murgh-e-chaman apni KHush-nawai par
jawab hain mere nale tere tarane ke
usi ki KHak hai mathe ki zeb banda-nawaz
jabin pe naqsh paDe hain jis aastane ke
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
