kya kahen kyunkar hua tufan mein paida qafas
kyā kaheñ kyūñkar huā tūfān meñ paidā qafas
mauj jab bal khā ke uTThī ban gayā dariyā qafas
zindagī ġham kā badal hai ārzūeñ yaas kā
āsmāñ sayyād ham qaidī haiñ aur duniyā qafas
dil ke haq meñ siina zindāñ aarzū ke haq meñ dil
saikḌoñ dekhe haiñ lekin ye nayā dekhā qafas
din asīrī ke ba-har-sūrat guzāre jā.eñge
ek qaidī ke liye hai kyā burā achchhā qafas
koī bhī dīvār sadd-e-rāh ho saktī nahīñ
tol baiThe par to phir sayyād kyā kaisā qafas
apnā ghar phir apnā ghar hai apne ghar kī baat kyā
ġhair ke gulshan se sau darja bhalā apnā qafas
ai 'falak' aa.ī yahāñ bhī mujh ko yād-e-āshiyāñ
barq tū gardūñ pe chamkī jagmagā uTThā qafas
kya kahen kyunkar hua tufan mein paida qafas
mauj jab bal kha ke uTThi ban gaya dariya qafas
zindagi gham ka badal hai aarzuen yas ka
aasman sayyaad hum qaidi hain aur duniya qafas
dil ke haq mein sina zindan aarzu ke haq mein dil
saikDon dekhe hain lekin ye naya dekha qafas
din asiri ke ba-har-surat guzare jaenge
ek qaidi ke liye hai kya bura achchha qafas
koi bhi diwar sadd-e-rah ho sakti nahin
tol baiThe par to phir sayyaad kya kaisa qafas
apna ghar phir apna ghar hai apne ghar ki baat kya
ghair ke gulshan se sau darja bhala apna qafas
ai 'falak' aai yahan bhi mujh ko yaad-e-ashiyan
barq tu gardun pe chamki jagmaga uTTha qafas
- Book : Harf-o-sada (Pg. 22)
- Author : Hira lal Falak Dehlvi
- Publication : Hira lal Falak Dehlvi (1982)
- Edition : 1982
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
