unhen sawal hi lagta hai mera rona bhi
unheñ savāl hī lagtā hai merā ronā bhī
ajab sazā hai jahāñ meñ ġharīb honā bhī
ye raat raat bhī hai oḌhnā-bichhaunā bhī
is ek raat meñ hai jāgnā bhī sonā bhī
vo habs-e-dam hai zamīñ āsmāñ kī vus.at meñ
ki aisā tang na hogā lahad kā konā bhī
ajiib shahr hai ghar bhī haiñ rāstoñ kī tarah
kise nasīb hai rātoñ ko chhup ke ronā bhī
khule meñ so.eñge phir motiyā ke phūloñ se
sajāo zulf basā lo zarā bichhaunā bhī
najāt-e-rūh bhī arzāñ nushūr-e-dil kī tarah
huā hai sahl zamīroñ ke daaġh dhonā bhī
'azīz' kaisī ye saudāgaroñ kī bastī hai
garāñ hai dil se yahāñ kaaTh kā khilaunā bhī
unhen sawal hi lagta hai mera rona bhi
ajab saza hai jahan mein gharib hona bhi
ye raat raat bhi hai oDhna-bichhauna bhi
is ek raat mein hai jagna bhi sona bhi
wo habs-e-dam hai zamin aasman ki wusat mein
ki aisa tang na hoga lahad ka kona bhi
ajib shahr hai ghar bhi hain raston ki tarah
kise nasib hai raaton ko chhup ke rona bhi
khule mein soenge phir motiya ke phulon se
sajao zulf basa lo zara bichhauna bhi
najat-e-ruh bhi arzan nushur-e-dil ki tarah
hua hai sahl zamiron ke dagh dhona bhi
'aziz' kaisi ye saudagaron ki basti hai
garan hai dil se yahan kaTh ka khilauna bhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
