bayan ai ham-nashin gham ki hikayat aur ho jati

bayāñ ai ham-nashīñ ġham kī hikāyat aur ho jaatī

zarā ham ḳhastā-hāloñ kī tabī.at aur ho jaatī

nasīhat hazrat-e-vā.iz kī sunte bhī to kyā hotā

yahī hotā ki ham ko un se vahshat aur ho jaatī

bahut achchhā huā aañsū na nikle merī āñkhoñ se

bapā mahfil meñ ik taaza qayāmat aur ho jaatī

taḌap kar dil ne manzil par mujhe chauñkā diyā varna

ḳhudā jaane ki tai kitnī masāfat aur ho jaatī

tumhāre naam se hai bekasoñ kā naam vābasta

bulā lete agar dar par to nisbat aur ho jaatī

bahut saste rahe nīchī nazar se dil liyā tum ne

agar nazreñ bhī mil jātīñ to qīmat aur ho jaatī

sharaf baḳhshā hai tum ne aaj mujh ko ham-kalāmī kā

kahūñ kuchh dil kī baat itnī ijāzat aur ho jaatī

zahe qismat navāzā hai javāb-e-ḳhat se 'vāsif' ko

dikhāte ik jhalak itnī ināyat aur ho jaatī

bayan ai ham-nashin gham ki hikayat aur ho jati

zara hum KHasta-haalon ki tabiat aur ho jati

nasihat hazrat-e-waiz ki sunte bhi to kya hota

yahi hota ki hum ko un se wahshat aur ho jati

bahut achchha hua aansu na nikle meri aankhon se

bapa mahfil mein ek taza qayamat aur ho jati

taDap kar dil ne manzil par mujhe chaunka diya warna

KHuda jaane ki tai kitni masafat aur ho jati

tumhaare nam se hai bekason ka nam wabasta

bula lete agar dar par to nisbat aur ho jati

bahut saste rahe nichi nazar se dil liya tum ne

agar nazren bhi mil jatin to qimat aur ho jati

sharaf baKHsha hai tum ne aaj mujh ko ham-kalami ka

kahun kuchh dil ki baat itni ijazat aur ho jati

zahe qismat nawaza hai jawab-e-KHat se 'wasif' ko

dikhate ek jhalak itni inayat aur ho jati