chaaron taraf se maut ne ghera hai zist ko
chāroñ taraf se maut ne gherā hai ziist ko
aur us ke saath hukm ki ab zindagī karo
bāhar galī meñ shor hai barsāt kā suno
kunDī lagā ke aaj to ghar meñ paḌe raho
chhoḌ aa.e kis kī chhat pe javāñ-sāl chāñd ko
ḳhāmosh kis liye ho sitāro javāb do
kyuuñ chalte chalte ruk ga.e vīrān rāsto
tanhā huuñ aaj maiñ zarā ghar tak to saath do
jis ne bhī muḌ ke dekhā vo patthar kā ho gayā
nazreñ jhukā.e dosto chup chup chale chalo
allāh rakkhe terī sahar jaisī kam-sinī
dil kāñptā hai jab bhī tū aatī hai shaam ko
vīrāñ chaman pe roī hai shabnam tamām raat
aise meñ koī nannhī kalī muskurā.e to
'ādil' havā.eñ kab se bhī detī haiñ dastakeñ
jaldī se uTh ke kamre kā darvāza khol do
chaaron taraf se maut ne ghera hai zist ko
aur us ke sath hukm ki ab zindagi karo
bahar gali mein shor hai barsat ka suno
kunDi laga ke aaj to ghar mein paDe raho
chhoD aae kis ki chhat pe jawan-sal chand ko
KHamosh kis liye ho sitaro jawab do
kyun chalte chalte ruk gae viran rasto
tanha hun aaj main zara ghar tak to sath do
jis ne bhi muD ke dekha wo patthar ka ho gaya
nazren jhukae dosto chup chup chale chalo
allah rakkhe teri sahar jaisi kam-sini
dil kanpta hai jab bhi tu aati hai sham ko
viran chaman pe roi hai shabnam tamam raat
aise mein koi nannhi kali muskurae to
'adil' hawaen kab se bhi deti hain dastaken
jaldi se uTh ke kamre ka darwaza khol do
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
