chhalak rahi hai mai-e-nab tishnagi ke liye
chhalak rahī hai mai-e-nāb tishnagī ke liye
sañvar rahī hai tirī bazm barhamī ke liye
nahīñ nahīñ hameñ ab terī justujū bhī nahīñ
tujhe bhī bhuul ga.e ham tirī ḳhushī ke liye
jo tīrgī meñ huvaidā ho qalb-e-insāñ se
ziyā-navāz vo sho.ala hai tīrgī ke liye
kahāñ ke ishq-o-mohabbat kidhar ke hijr o visāl
abhī to log taraste haiñ zindagī ke liye
jahān-e-nau kā tasavvur hayāt-e-nau kā ḳhayāl
baḌe fareb diye tum ne bandagī ke liye
mai-e-hayāt meñ shāmil hai talḳhī-e-daurāñ
jabhī to pī ke taraste haiñ be-ḳhudī ke liye
chhalak rahi hai mai-e-nab tishnagi ke liye
sanwar rahi hai teri bazm barhami ke liye
nahin nahin hamein ab teri justuju bhi nahin
tujhe bhi bhul gae hum teri KHushi ke liye
jo tirgi mein huwaida ho qalb-e-insan se
ziya-nawaz wo shoala hai tirgi ke liye
kahan ke ishq-o-mohabbat kidhar ke hijr o visal
abhi to log taraste hain zindagi ke liye
jahan-e-nau ka tasawwur hayat-e-nau ka KHayal
baDe fareb diye tum ne bandagi ke liye
mai-e-hayat mein shamil hai talKHi-e-dauran
jabhi to pi ke taraste hain be-KHudi ke liye
- Book : Sham ka Pahla Tara (Pg. 26)
- Author : ZEHRA NIGAAH
- Edition : 1980
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
