Dhala na sang ke paikar mein yar kis ka tha

Dhalā na sañg ke paikar meñ yaar kis kā thā

vo ek aks chaTānoñ ke paar kis kā thā

zamīñ paḌī rahī be-sāz-o-barg kis kī thī

kahīñ baras gayā abr-e-bahār kis kā thā

havā.eñ le uḌiiñ naqsh-e-kamāl kā nairañg

na jaane ḳhaak pe vo shāhkār kis kā thā

kahīñ pata na lagā phir vajūd kā mere

uThā ke le ga.ī duniyā shikār kis kā thā

nafas charāġh siyah pāniyoñ meñ thā ḳhāmosh

ḳhabar nahīñ ki use intizār kis kā thā

jo aarzū thī banī ek bojh āḳhir 'zeb'

hamīñ uThā.e phire dil pe baar kis kā thā

Dhala na sang ke paikar mein yar kis ka tha

wo ek aks chaTanon ke par kis ka tha

zamin paDi rahi be-saz-o-barg kis ki thi

kahin baras gaya abr-e-bahaar kis ka tha

hawaen le uDin naqsh-e-kamal ka nairang

na jaane KHak pe wo shahkar kis ka tha

kahin pata na laga phir wajud ka mere

uTha ke le gai duniya shikar kis ka tha

nafas charagh siyah paniyon mein tha KHamosh

KHabar nahin ki use intizar kis ka tha

jo aarzu thi bani ek bojh aaKHir 'zeb'

hamin uThae phire dil pe bar kis ka tha