dur ufuq ke par se aawaz ke parwardigar

duur ufuq ke paar se āvāz ke parvardigār

sadiyoñ soī ḳhāmushī ko sāmne aa kar pukār

jaane kin hāthoñ ne khelā raat sāhil par shikār

sher kī āvāz ko tarsā kiye suune kachhār

ḳhvāb ke sūkhe hue ḳhākoñ meñ lazzat kā ġhubār

niiñd ke dīmak-zada gatte ke pīchhe intizār

tīrgī kaise miTegī terī nusrat ke baġhair

āsmāñ kī sīḌhiyoñ se nuqra.ī faujeñ utaar

āḳhir-e-shab sab sitāre so rahe haiñ be-ḳhabar

koī sūraj ko ḳhabar kar do ki ab shab-ḳhūn maar

phailtā jaatā hai kirnoñ kā sunahrī jaal phir

jagmagā uTThī haiñ shamshīreñ qatār-andar-qatār

jaane kis ko DhūñDne dāḳhil huā hai jism meñ

haDDiyoñ meñ rāsta kartā huā piilā buḳhār

jism kī miTTī na le jaa.e bahā kar saath meñ

dil kī gahrā.ī meñ girtā ḳhvāhishoñ kā ābshār

dur ufuq ke par se aawaz ke parwardigar

sadiyon soi KHamushi ko samne aa kar pukar

jaane kin hathon ne khela raat sahil par shikar

sher ki aawaz ko tarsa kiye sune kachhaar

KHwab ke sukhe hue KHakon mein lazzat ka ghubar

nind ke dimak-zada gatte ke pichhe intizar

tirgi kaise miTegi teri nusrat ke baghair

aasman ki siDhiyon se nuqrai faujen utar

aaKHir-e-shab sab sitare so rahe hain be-KHabar

koi suraj ko KHabar kar do ki ab shab-KHun mar

phailta jata hai kirnon ka sunahri jal phir

jagmaga uTThi hain shamshiren qatar-andar-qatar

jaane kis ko DhunDne daKHil hua hai jism mein

haDDiyon mein rasta karta hua pila buKHar

jism ki miTTi na le jae baha kar sath mein

dil ki gahrai mein girta KHwahishon ka aabshaar