ghum raha tha ek shaKHs raat ke Khaarzar mein
ghuum rahā thā ek shaḳhs raat ke ḳhārzār meñ
us kā lahū bhī mar gayā sub.h ke intizār meñ
ruuh kī ḳhushk pattiyāñ shāḳh se TūTtī rahīñ
aur ghaTā baras ga.ī jism ke regzār meñ
rañg meñ rañg ghul ga.e aks ke shīshe dhul ga.e
qaus-e-quzah pighal ga.ī bhīgī huī lagār meñ
ThanDī saḌak thī be-ḳhabar garm dinoñ ke qahr se
dhuup ko jhelte rahe peḌ khaḌe qatār meñ
bahtī havā kī mauj meñ tair rahe the sabz ghar
shahr ajiib sā lagā raat chaḌhe ḳhumār meñ
niind bhī jāgtī rahī puure hue na ḳhvāb bhī
sub.h huī zamīn par raat Dhalī mazār meñ
detā javāb kyā koī mere sivā na thā koī
Duub ke rah ga.ī sadā tañg siyāh ġhaar meñ
ghum raha tha ek shaKHs raat ke KHarzar mein
us ka lahu bhi mar gaya subh ke intizar mein
ruh ki KHushk pattiyan shaKH se TuTti rahin
aur ghaTa baras gai jism ke regzar mein
rang mein rang ghul gae aks ke shishe dhul gae
qaus-e-quzah pighal gai bhigi hui lagar mein
ThanDi saDak thi be-KHabar garm dinon ke qahr se
dhup ko jhelte rahe peD khaDe qatar mein
bahti hawa ki mauj mein tair rahe the sabz ghar
shahr ajib sa laga raat chaDhe KHumar mein
nind bhi jagti rahi pure hue na KHwab bhi
subh hui zamin par raat Dhali mazar mein
deta jawab kya koi mere siwa na tha koi
Dub ke rah gai sada tang siyah ghaar mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
