hawa to hai hi muKhaalif mujhe Daraata hai kya
havā to hai hī muḳhālif mujhe Darātā hai kyā
havā se pūchh ke koī diye jalātā hai kyā
guhar jo haiñ tah-e-dariyā to sañg-o-ḳhisht bhī haiñ
ye dekhnā hai mirī dastaras meñ aatā hai kyā
navāh-e-jāñ meñ jo chaltī hai kaisī āñdhī hai
diye kī lo kī tarah mujh meñ thartharātā hai kyā
gale meñ naam kī taḳhtī gulāb rakhte haiñ
charāg apnā ta.āruf kahīñ karātā hai kyā
nishān-e-qabr bhī chhoḌā nahīñ raqābat ne
kisī ko aise koī ḳhaak meñ milātā hai kyā
fanā ke ba.ad hī miltī hai zindagī ko davā
'talab' ye ramz tumhārī samajh meñ aatā hai kyā
hawa to hai hi muKHalif mujhe Daraata hai kya
hawa se puchh ke koi diye jalata hai kya
guhar jo hain tah-e-dariya to sang-o-KHisht bhi hain
ye dekhna hai meri dastaras mein aata hai kya
nawah-e-jaan mein jo chalti hai kaisi aandhi hai
diye ki lo ki tarah mujh mein thartharaata hai kya
gale mein nam ki taKHti gulab rakhte hain
charag apna taaruf kahin karaata hai kya
nishan-e-qabr bhi chhoDa nahin raqabat ne
kisi ko aise koi KHak mein milata hai kya
fana ke baad hi milti hai zindagi ko dawa
'talab' ye ramz tumhaari samajh mein aata hai kya
Source:
Jahaan Gard (Pg. 52)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
