ab ye kahte ho tum se mohabbat nahin
ab ye kahte ho tum se mohabbat nahīñ
jab koī aur jiine kī sūrat nahīñ
ab tirā hijr bardāsht kaise kareñ
hijr se baḌh ke koī qayāmat nahīñ
sang-dil tū ne maarā hai tīr-e-jafā
aa.ina mere dil kā salāmat nahīñ
matlabī shaḳhs thā saaf kah kar gayā
ab mujhe terī koī zarūrat nahīñ
zikr us kī jafāoñ kā har samt hai
us kī āñkhoñ meñ phir bhī nadāmat nahīñ
har ghaḌī zahr hī ab ugalte haiñ lab
un ke bosoñ meñ ab vo halāvat nahīñ
ham 'sahāb' us ko kaise kaheñ chāñd sā
is qadar chāñd to ḳhūb-sūrat nahīñ
ab ye kahte ho tum se mohabbat nahin
jab koi aur jine ki surat nahin
ab tera hijr bardasht kaise karen
hijr se baDh ke koi qayamat nahin
sang-dil tu ne mara hai tir-e-jafa
aaina mere dil ka salamat nahin
matlabi shaKHs tha saf kah kar gaya
ab mujhe teri koi zarurat nahin
zikr us ki jafaon ka har samt hai
us ki aankhon mein phir bhi nadamat nahin
har ghaDi zahr hi ab ugalte hain lab
un ke boson mein ab wo halawat nahin
hum 'sahab' us ko kaise kahen chand sa
is qadar chand to KHub-surat nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
