na socha tha tera gham yun hamein majbur kar dega
na sochā thā tirā ġham yuuñ hameñ majbūr kar degā
ye apne aap se ik roz ham ko duur kar degā
mohabbat meñ zarūrī hai sanam ko chāhnā lekin
tumhārā chāhnā itnā use maġhrūr kar degā
tumheñ khone kā dukh hai jo musalsal gā rahe haiñ ham
sanam tum dekhnā ye ġham hameñ mash.hūr kar degā
nahīñ ham chāhte lenā ġhalat ab faisla koī
magar ye hijr terā jān-e-jāñ majbūr kar degā
udāsī rāhateñ to detī hai kuchh der ko lekin
ye vo marham hai jo is zaḳhm ko nāsūr kar degā
na socha tha tera gham yun hamein majbur kar dega
ye apne aap se ek roz hum ko dur kar dega
mohabbat mein zaruri hai sanam ko chahna lekin
tumhaara chahna itna use maghrur kar dega
tumhein khone ka dukh hai jo musalsal ga rahe hain hum
sanam tum dekhna ye gham hamein mashhur kar dega
nahin hum chahte lena ghalat ab faisla koi
magar ye hijr tera jaan-e-jaan majbur kar dega
udasi rahaten to deti hai kuchh der ko lekin
ye wo marham hai jo is zaKHm ko nasur kar dega
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
