نہ سوچا تھا ترا غم یوں ہمیں مجبور کر دے گا

نہ سوچا تھا ترا غم یوں ہمیں مجبور کر دے گا

یہ اپنے آپ سے اک روز ہم کو دور کر دے گا

محبت میں ضروری ہے صنم کو چاہنا لیکن

تمہارا چاہنا اتنا اسے مغرور کر دے گا

تمہیں کھونے کا دکھ ہے جو مسلسل گا رہے ہیں ہم

صنم تم دیکھنا یہ غم ہمیں مشہور کر دے گا

نہیں ہم چاہتے لینا غلط اب فیصلہ کوئی

مگر یہ ہجر تیرا جان جاں مجبور کر دے گا

اداسی راحتیں تو دیتی ہے کچھ دیر کو لیکن

یہ وہ مرہم ہے جو اس زخم کو ناسور کر دے گا