jahan mere na hone ka nishan phaila hua hai
jahāñ mere na hone kā nishāñ phailā huā hai
samajhtā huuñ ġhubār-e-āsmāñ phailā huā hai
maiñ is ko dekhne aur bhuul jaane meñ magan huuñ
mire aage jo ye ḳhvāb-e-ravāñ phailā huā hai
inhī do hairatoñ ke darmiyāñ maujūd huuñ maiñ
sar-e-āb-e-yaqīñ aks-e-gumāñ phailā huā hai
rihā.ī kī koī sūrat nikalnī chāhiye ab
zamīñ sahmī huī hai aur dhuāñ phailā huā hai
koī andāza kar saktā hai kyā is kā ki āḳhir
kahāñ tak sāya-e-ahd-e-ziyāñ phailā huā hai
kahāñ Duube kidhar ubhre badan kī naav dekheñ
ki itnī duur tak dariyā-e-jāñ phailā huā hai
maiñ dil se bhaag kar jā bhī kahāñ saktā huuñ āḳhir
mire har sū ye dasht-e-be-amāñ phailā huā hai
mujhe kuchh bhī nahīñ mālūm aur andar hī andar
lahū meñ ek dast-e-rā.egāñ phailā huā hai
'zafar' ab ke suḳhan kī sarzamīñ par hai ye mausam
bayāñ ġhā.eb hai aur rañg-e-bayāñ phailā huā hai
jahan mere na hone ka nishan phaila hua hai
samajhta hun ghubar-e-asman phaila hua hai
main is ko dekhne aur bhul jaane mein magan hun
mere aage jo ye KHwab-e-rawan phaila hua hai
inhi do hairaton ke darmiyan maujud hun main
sar-e-ab-e-yaqin aks-e-guman phaila hua hai
rihai ki koi surat nikalni chahiye ab
zamin sahmi hui hai aur dhuan phaila hua hai
koi andaza kar sakta hai kya is ka ki aaKHir
kahan tak saya-e-ahd-e-ziyan phaila hua hai
kahan Dube kidhar ubhre badan ki naw dekhen
ki itni dur tak dariya-e-jaan phaila hua hai
main dil se bhag kar ja bhi kahan sakta hun aaKHir
mere har su ye dasht-e-be-aman phaila hua hai
mujhe kuchh bhi nahin malum aur andar hi andar
lahu mein ek dast-e-raegan phaila hua hai
'zafar' ab ke suKHan ki sarzamin par hai ye mausam
bayan ghaeb hai aur rang-e-bayan phaila hua hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.