KHayal-o-KHwab mein aae hue se lagte hain

ḳhayāl-o-ḳhvāb meñ aa.e hue se lagte haiñ

hameñ ye din bhī bitā.e hue se lagte haiñ

tire huzūr khaḌe haiñ jo sar jhukā.e hue

zamīñ kā bojh uThā.e hue se lagte haiñ

diye hoñ phuul hoñ bādal hoñ yā parinde hoñ

ye sab havā ke satā.e hue se lagte haiñ

hamāre dil kī tarah shahr ke ye raste bhī

hazār bhed chhupā.e hue se lagte haiñ

har ek rāh-navard o shikasta-pā ke liye

ye peḌ haath baḌhā.e hue se lagte haiñ

har aan rūnumā hote ye vāqiye ġhā.er

hamārā dhyān baTā.e hue se lagte haiñ

KHayal-o-KHwab mein aae hue se lagte hain

hamein ye din bhi bitae hue se lagte hain

tere huzur khaDe hain jo sar jhukae hue

zamin ka bojh uThae hue se lagte hain

diye hon phul hon baadal hon ya parinde hon

ye sab hawa ke satae hue se lagte hain

hamare dil ki tarah shahr ke ye raste bhi

hazar bhed chhupae hue se lagte hain

har ek rah-naward o shikasta-pa ke liye

ye peD hath baDhae hue se lagte hain

har aan runuma hote ye waqiye ghaer

hamara dhyan baTae hue se lagte hain