mujhe pahle ye lagta tha mera saya nahin koi

mujhe pahle ye lagtā thā mirā saayā nahīñ koī

yaqīñ ḳhud ko dilāyā phir mire jaisā nahīñ koī

maiñ zarra huuñ magar vus'at mirī ḳhud meñ sameTe jo

mujhe lagtā hai aisā ret kā dariyā nahīñ koī

tasavvur dil ye kartā hai tire har samt hone kā

talāshūñ gar to naqsh-e-pā tirā miltā nahīñ koī

qafas ye jism hai aur ruuh merī qaid hai is meñ

haqīqat se mire ḳhvāboñ kā ab rishta nahīñ koī

kiyā hai ḳharch maiñ ne ḳhud ko tum par is qadar jaanā

talāshūñ to bhī mujh sā rā.egāñ miltā nahīñ koī

banā kar ḳhvāb ko manzil chalā us raah par 'yāsir'

jahāñ se vāpsī kā dostoñ rasta nahīñ koī

mujhe pahle ye lagta tha mera saya nahin koi

yaqin KHud ko dilaya phir mere jaisa nahin koi

main zarra hun magar wus'at meri KHud mein sameTe jo

mujhe lagta hai aisa ret ka dariya nahin koi

tasawwur dil ye karta hai tere har samt hone ka

talashun gar to naqsh-e-pa tera milta nahin koi

qafas ye jism hai aur ruh meri qaid hai is mein

haqiqat se mere KHwabon ka ab rishta nahin koi

kiya hai KHarch main ne KHud ko tum par is qadar jaana

talashun to bhi mujh sa raegan milta nahin koi

bana kar KHwab ko manzil chala us rah par 'yasir'

jahan se wapsi ka doston rasta nahin koi