raat ajab aaseb-zada sa mausam tha

raat ajab āseb-zada sā mausam thā

apnā honā aur na honā mub.ham thā

ek gul-e-tanhā.ī thā jo hamdam thā

ḳhaar o ġhubār kā sarmāya bhī kam kam thā

aañkh se kaT kaT jaate the saare manzar

raat se rañg-e-dīda-e-hairāñ barham thā

jis aalam ko hū kā aalam kahte haiñ

vo aalam thā aur vo aalam paiham thā

ḳhaar ḳhamīda-sar the bagūle be-āvāz

sahrā meñ bhī aaj kasī kā mātam thā

raushniyāñ atrāf meñ 'zehrā' raushan thiiñ

ā.īne meñ aks hī terā maddham thā

raat ajab aaseb-zada sa mausam tha

apna hona aur na hona mubham tha

ek gul-e-tanhai tha jo hamdam tha

KHar o ghubar ka sarmaya bhi kam kam tha

aankh se kaT kaT jate the sare manzar

raat se rang-e-dida-e-hairan barham tha

jis aalam ko hu ka aalam kahte hain

wo aalam tha aur wo aalam paiham tha

KHar KHamida-sar the bagule be-awaz

sahra mein bhi aaj kasi ka matam tha

raushniyan atraf mein 'zehra' raushan thin

aaine mein aks hi tera maddham tha