safar KHud-raftagi ka bhi ajab andaz tha

safar ḳhud-raftagī kā bhī ajab andāz thā

kahīñ par raah bhūle the na ruk kar dam liyā thā

zamīñ par gir rahe the chāñd taare jaldī jaldī

añdherā ghar kī dīvāroñ se ūñchā ho rahā thā

chale chalte the rah-rav ek āvāz-e-aḳhī par

junūñ thā yā fusūñ thā kuchh to thā jo ho rahā thā

maiñ us din terī aamad kā nazāra sochtī thī

vo din jab tere jaane ke liye ruknā paḌā thā

isī husn-e-ta.alluq par varaq likhte ga.e laakh

kiran se rū-e-gul tak ek pal kā rābta thā

bahut din ba.ad 'zehrā' tū ne kuchh ġhazleñ to likkhīñ

na likhne kā kisī se kyā koī va.ada kiyā thā

safar KHud-raftagi ka bhi ajab andaz tha

kahin par rah bhule the na ruk kar dam liya tha

zamin par gir rahe the chand tare jaldi jaldi

andhera ghar ki diwaron se uncha ho raha tha

chale chalte the rah-raw ek aawaz-e-aKHi par

junun tha ya fusun tha kuchh to tha jo ho raha tha

main us din teri aamad ka nazara sochti thi

wo din jab tere jaane ke liye rukna paDa tha

isi husn-e-talluq par waraq likhte gae lakh

kiran se ru-e-gul tak ek pal ka rabta tha

bahut din baad 'zehra' tu ne kuchh ghazlen to likkhin

na likhne ka kisi se kya koi wada kiya tha