safar mein hai jo azal se ye wo bala hi na ho

safar meñ hai jo azal se ye vo balā hī na ho

kivāḌ khol ke dekho kahīñ havā hī na ho

nigāh-e-ā.īna ma.alūm aks nā-mālūm

dikhā.ī detā hai jo asl meñ chhupā hī na ho

zamīñ ke gird bhī paanī zamīñ kī tah meñ bhī

ye shahr jam ke khaḌā hai jo tairtā hī na ho

na jā ki is se pare dasht-e-marg ho shāyad

palaTnā chāheñ vahāñ se to rāsta hī na ho

maiñ is ḳhayāl se jaatā nahīñ vatan kī taraf

ki mujh ko dekh ke us but kā jī burā hī na ho

kaTī hai jis ke ḳhayāloñ meñ umr apnī 'munīr'

mazā to jab hai ki us shoḳh ko patā hī na ho

safar mein hai jo azal se ye wo bala hi na ho

kiwaD khol ke dekho kahin hawa hi na ho

nigah-e-aina malum aks na-malum

dikhai deta hai jo asl mein chhupa hi na ho

zamin ke gird bhi pani zamin ki tah mein bhi

ye shahr jam ke khaDa hai jo tairta hi na ho

na ja ki is se pare dasht-e-marg ho shayad

palaTna chahen wahan se to rasta hi na ho

main is KHayal se jata nahin watan ki taraf

ki mujh ko dekh ke us but ka ji bura hi na ho

kaTi hai jis ke KHayalon mein umr apni 'munir'

maza to jab hai ki us shoKH ko pata hi na ho