tara tara utar rahi hai raat samundar mein
taarā taarā utar rahī hai raat samundar meñ
jaise Dūbne vāloñ ke hoñ haath samundar meñ
sāhil par to sab ke hoñge apne apne log
rah jā.egī kashtī kī har baat samundar meñ
ek nazar dekhā thā us ne aage yaad nahīñ
khul jaatī hai dariyā kī auqāt samundar meñ
maiñ sāhil se lauT aayā thā kashtī chalne par
pighal chukī thī lekin merī zaat samundar meñ
kaaT rahā huuñ aise 'amjad' ye hastī kī rah
be-patvārī naav pe jaise raat samundar meñ
tara tara utar rahi hai raat samundar mein
jaise Dubne walon ke hon hath samundar mein
sahil par to sab ke honge apne apne log
rah jaegi kashti ki har baat samundar mein
ek nazar dekha tha us ne aage yaad nahin
khul jati hai dariya ki auqat samundar mein
main sahil se lauT aaya tha kashti chalne par
pighal chuki thi lekin meri zat samundar mein
kaT raha hun aise 'amjad' ye hasti ki rah
be-patwari naw pe jaise raat samundar mein
- Book : Fishaar (Pg. 83)
- Author : Amjad Islam Amjad
- Publication : Jahangir Book Depot (2010)
- Edition : 2010
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
