tum se chhuT kar zindagi ka naqsh-e-pa milta nahin

tum se chhuT kar zindagī kā naqsh-e-pā miltā nahīñ

phir rahā huuñ kū-ba-kū apnā patā miltā nahīñ

maiñ huuñ yā phirtā hai koī aur mere bhes meñ

kis se pūchhūñ koī sūrat-āshnā miltā nahīñ

naqsh-e-hairat hī na thā pursān-e-hāl-e-ġham bhī thā

tum ne jo toḌā hai ab vo ā.īnā miltā nahīñ

nā-umīdī harf-e-tohmat hī sahī kyā kījiye

tum qarīb aate nahīñ ho aur ḳhudā miltā nahīñ

us ke dil se apnā andāz-e-taġhāful pūchhiye

jis ke dil ko dard kā bhī aasrā miltā nahīñ

ik na ik rishta isī duniyā se thā apnā kabhī

sochtā huuñ aur koī silsila miltā nahīñ

koī saa.e kī tarah chaltā hai 'aḳhtar' saath saath

dostdār-e-dil hai lekin barmalā miltā nahīñ

tum se chhuT kar zindagi ka naqsh-e-pa milta nahin

phir raha hun ku-ba-ku apna pata milta nahin

main hun ya phirta hai koi aur mere bhes mein

kis se puchhun koi surat-ashna milta nahin

naqsh-e-hairat hi na tha pursan-e-haal-e-gham bhi tha

tum ne jo toDa hai ab wo aaina milta nahin

na-umidi harf-e-tohmat hi sahi kya kijiye

tum qarib aate nahin ho aur KHuda milta nahin

us ke dil se apna andaz-e-taghaful puchhiye

jis ke dil ko dard ka bhi aasra milta nahin

ek na ek rishta isi duniya se tha apna kabhi

sochta hun aur koi silsila milta nahin

koi sae ki tarah chalta hai 'aKHtar' sath sath

dostdar-e-dil hai lekin barmala milta nahin