rahe jo shab ko hum us gul ke sat koThe par

rahe jo shab ko ham us gul ke saat koThe par

to kyā bahār se guzrī hai raat koThe par

ye dhūm-dhām rahī sub.h tak ahā-hā-hā

kisī kī utrī hai jaise barāt koThe par

makāñ jo aish kā haath aayā ġhair se ḳhālī

paTe ke chalne lage phir to haat koThe par

girāyā shor kiyā gāliyāñ diiñ dhuum machī

ajab tarah kī huī vārdāt koThe par

likheñ ham aish kī taḳhtī ko kis tarah ai jaañ

qalam zamīn ke uupar davāt koThe par

kamand zulf kī laTkā ke dil ko le liije

ye jins yuuñ nahīñ aane kī haat koThe par

ḳhudā ke vāste ziine kī raah batlāo

hameñ bhī kahnī hai kuchh tum se baat koThe par

lipaT ke so.e jo us gul-badan ke saath 'nazīr'

tamām ho ga.iiñ hal mushkilāt koThe par

rahe jo shab ko hum us gul ke sat koThe par

to kya bahaar se guzri hai raat koThe par

ye dhum-dham rahi subh tak aha-ha-ha

kisi ki utri hai jaise baraat koThe par

makan jo aish ka hath aaya ghair se KHali

paTe ke chalne lage phir to hat koThe par

giraya shor kiya galiyan din dhum machi

ajab tarah ki hui wardat koThe par

likhen hum aish ki taKHti ko kis tarah ai jaan

qalam zamin ke upar dawat koThe par

kamand zulf ki laTka ke dil ko le lije

ye jins yun nahin aane ki hat koThe par

KHuda ke waste zine ki rah batlao

hamein bhi kahni hai kuchh tum se baat koThe par

lipaT ke soe jo us gul-badan ke sath 'nazir'

tamam ho gain hal mushkilat koThe par