barish ki rut mein sahra ho jata hai

bārish kī rut meñ sahrā ho jaatā hai

dil-dariyā ko jaane kyā ho jaatā hai

sāñjh-pavan mujh meñ aa kar ruk jaatī hai

aur ik habs-darīcha vā ho jaatā hai

dil kā suunā rahnā Thiik nahīñ sāhab

suunā ghar āseb-zada ho jaatā hai

jhoñkā aate hī sairāb sadāoñ kā

ḳhāmoshī kā zaḳhm harā ho jaatā hai

ramz khuleñ jab tak is chāk-savārī ke

tab tak ik chakkar puurā ho jaatā hai

āvāzeñ āvāzoñ meñ zam hotī haiñ

dhīre-dhīre sannāTā ho jaatā hai

āḳhir-e-shab dariyā meñ saañp utarte haiñ

sub.h talak paanī niilā ho jaatā hai

barish ki rut mein sahra ho jata hai

dil-dariya ko jaane kya ho jata hai

sanjh-pawan mujh mein aa kar ruk jati hai

aur ek habs-daricha wa ho jata hai

dil ka suna rahna Thik nahin sahab

suna ghar aaseb-zada ho jata hai

jhonka aate hi sairab sadaon ka

KHamoshi ka zaKHm hara ho jata hai

ramz khulen jab tak is chaak-sawari ke

tab tak ek chakkar pura ho jata hai

aawazen aawazon mein zam hoti hain

dhire-dhire sannaTa ho jata hai

aaKHir-e-shab dariya mein sanp utarte hain

subh talak pani nila ho jata hai