teri taswir jo dekhi to KHayal aaya hai

terī tasvīr jo dekhī to ḳhayāl aayā hai

merī ġhazloñ meñ kahāñ se ye kamāl aayā hai

terī aamad se bahār aa.ī hai vīrāne meñ

terī āñkhoñ se manāzir meñ jamāl aayā hai

maut aa.ī hai ki niiñd aa.ī hai kuchh lamhoñ ko

aap aa.e haiñ ki phir ḳhvāb-e-visāl aayā hai

ek lamhe ko nigah un kī huī thī mujh par

yaad ik lamha mujhe sāl-hā-sāl aayā hai

tere hisse meñ kisī aur kā aayā hai gulāl

mere hisse meñ kisī aur kā gaal aayā hai

ab tirā qurb bhī darkār nahīñ hai mujh ko

ab kahīñ jā ke mohabbat kā ma.aal aayā hai

raah duniyā kī dikhā.ī huī chhoḌ aayā hai dil

ḳhvāb manzil ke sar-e-rāh uchhāl aayā hai

ab koī ḳhauf nahīñ hai ki tirī galiyoñ meñ

'bhāskar' āḳhirī Dar ko bhī nikāl aayā hai

teri taswir jo dekhi to KHayal aaya hai

meri ghazlon mein kahan se ye kamal aaya hai

teri aamad se bahaar aai hai virane mein

teri aankhon se manazir mein jamal aaya hai

maut aai hai ki nind aai hai kuchh lamhon ko

aap aae hain ki phir KHwab-e-visal aaya hai

ek lamhe ko nigah un ki hui thi mujh par

yaad ek lamha mujhe sal-ha-sal aaya hai

tere hisse mein kisi aur ka aaya hai gulal

mere hisse mein kisi aur ka gal aaya hai

ab tera qurb bhi darkar nahin hai mujh ko

ab kahin ja ke mohabbat ka maal aaya hai

rah duniya ki dikhai hui chhoD aaya hai dil

KHwab manzil ke sar-e-rah uchhaal aaya hai

ab koi KHauf nahin hai ki teri galiyon mein

'bhaskar' aaKHiri Dar ko bhi nikal aaya hai