تیری تصویر جو دیکھی تو خیال آیا ہے

تیری تصویر جو دیکھی تو خیال آیا ہے

میری غزلوں میں کہاں سے یہ کمال آیا ہے

تیری آمد سے بہار آئی ہے ویرانے میں

تیری آنکھوں سے مناظر میں جمال آیا ہے

موت آئی ہے کہ نیند آئی ہے کچھ لمحوں کو

آپ آئے ہیں کہ پھر خواب وصال آیا ہے

ایک لمحے کو نگہ ان کی ہوئی تھی مجھ پر

یاد اک لمحہ مجھے سال ہا سال آیا ہے

تیرے حصے میں کسی اور کا آیا ہے گلال

میرے حصے میں کسی اور کا گال آیا ہے

اب ترا قرب بھی درکار نہیں ہے مجھ کو

اب کہیں جا کے محبت کا مآل آیا ہے

راہ دنیا کی دکھائی ہوئی چھوڑ آیا ہے دل

خواب منزل کے سر راہ اچھال آیا ہے

اب کوئی خوف نہیں ہے کہ تری گلیوں میں

بھاسکرؔ آخری ڈر کو بھی نکال آیا ہے