numayan dil ki wahshat kyon karen hum

numāyāñ dil kī vahshat kyoñ kareñ ham

tujhe paane kī hasrat kyoñ kareñ ham

'adāvat bhī to ham par lāzmī hai

mohabbat hī mohabbat kyoñ kareñ ham

hameñ milnā isī miTTī meñ hai to

tire kūche se hijrat kyoñ kareñ haiñ

hameñ vo bevafā jo kah rahe haiñ

to phir is kī vazāhat kyoñ kareñ ham

hamārī dushmanī apnoñ talak hai

to ġhairoñ se baġhāvat kyoñ kareñ ham

numayan dil ki wahshat kyon karen hum

tujhe pane ki hasrat kyon karen hum

'adawat bhi to hum par lazmi hai

mohabbat hi mohabbat kyon karen hum

hamein milna isi miTTi mein hai to

tere kuche se hijrat kyon karen hain

hamein wo bewafa jo kah rahe hain

to phir is ki wazahat kyon karen hum

hamari dushmani apnon talak hai

to ghairon se baghawat kyon karen hum