ye kya sitam hai koi rang-o-bu na pahchane
ye kyā sitam hai koī rang-o-bū na pahchāne
bahār meñ bhī rahe band tere mai-ḳhāne
fanā ke zamzame ranj-o-mehan ke afsāne
yahī mile haiñ na.ī zindagī ko nazrāne
tirī nigāh kī jumbish meñ ab bhī shāmil haiñ
mirī hayāt ke kuchh muḳhtasar se afsāne
jo sun sako to ye sab dāstāñ tumhārī hai
hazār baar jatāyā magar nahīñ maane
jo kar ga.e haiñ judā ek ek se ham ko
dayār-e-ġharb se aa.e the chand begāne
ye kya sitam hai koi rang-o-bu na pahchane
bahaar mein bhi rahe band tere mai-KHane
fana ke zamzame ranj-o-mehan ke afsane
yahi mile hain nai zindagi ko nazrane
teri nigah ki jumbish mein ab bhi shamil hain
meri hayat ke kuchh muKHtasar se afsane
jo sun sako to ye sab dastan tumhaari hai
hazar bar jataya magar nahin mane
jo kar gae hain juda ek ek se hum ko
dayar-e-gharb se aae the chand begane
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
