chor Daku ko parsa kahiye

chor Daaku ko pārsā kahiye

kyā batā.eñ ki kis ko kyā kahiye

aap tanqīd meñ bhī māhir haiñ

aap bhī kuchh bhalā burā kahiye

imtihāñ deñge shart hai lekin

rakh ke likkheñge ham chhurā kahiye

bhūkī jantā ko kapḌe rāshan kī

kyā zarūrat hai barmalā kahiye

seTh jī aap kā bhī hai kaisā

āj-kal apnā hāzma kahiye

aap chamche haiñ aap ko Dar kyā

ġhair kā maal baap kā kahiye

apnī begam kā kyā bayān karūñ

un ko ghar kā mushā.era kahiye

mummy daddy ke saath baby bhī

jā rahī ho club to kyā kahiye

ik mahīne meñ aadh liter tel

kyā jalā.eñ faqat diyā kahiye

jā ke ab āsmān se laa.eñ

chīnī maidā ki DālDā kahiye

baat 'jauhar' kī sun ke hañste haiñ

jī meñ aa.e to masḳharā kahiye

chor Daku ko parsa kahiye

kya bataen ki kis ko kya kahiye

aap tanqid mein bhi mahir hain

aap bhi kuchh bhala bura kahiye

imtihan denge shart hai lekin

rakh ke likkhenge hum chhura kahiye

bhuki janta ko kapDe rashan ki

kya zarurat hai barmala kahiye

seTh ji aap ka bhi hai kaisa

aaj-kal apna hazma kahiye

aap chamche hain aap ko Dar kya

ghair ka mal bap ka kahiye

apni begam ka kya bayan karun

un ko ghar ka mushaera kahiye

mummy daddy ke sath baby bhi

ja rahi ho club to kya kahiye

ek mahine mein aadh liter tel

kya jalaen faqat diya kahiye

ja ke ab aasman se laen

chini maida ki DalDa kahiye

baat 'jauhar' ki sun ke hanste hain

ji mein aae to masKHara kahiye