guzre wo jhulate hue jhumka mere aage

guzre vo jhulāte hue jhumkā mire aage

locket kabhī kangan kabhī chhallā mire aage

rahtā hai hamesha hī ye ḳhatra mire aage

laḌkī mire aage hai ki laḌkā mire aage

hotā hai shab-o-roz tamāshā mire aage

badlī haiñ yahāñ aaj mohabbat kī vo rasmeñ

shīrīñ na rahī ab kisī farhād ke bas meñ

sohnī ke lage tiir mahīñvāl kī nas meñ

khātī hai yahāñ hiir kisī aur kī qasmeñ

majnūñ ko burā kahtī hai lailā mire aage

sunte ho ajī kahtī thī havvā kī ye duḳhtar

vo tarz-e-taḳhātub thā ye chāhat kā samundar

ab daur-e-masāvāt hai donoñ haiñ barābar

shauhar ko pukāre hai vo ab naam hī le kar

aatā hai abhī dekhiye kyā kyā mire aage

rakhnā thā mohabbat ko chhupā dil kī kalī meñ

va.ada thā nibhāne kā burī aur bhalī meñ

khujlī huī shāyad tire pairoñ kī talī meñ

pakḌī jo ga.ī aaj raqīboñ kī galī meñ

tū dekh ki kyā rang hai terā mire aage

abbā jo tire ishq kī rūdād samajhte

majnūñ kā yaqīnan hameñ ham-zād samajhte

aur ġhaib se bhejī huī imdād samajhte

siine se lagāte hameñ dāmād samajhte

kyūñkar kahūñ lo naam na un kā mire aage

guzre wo jhulate hue jhumka mere aage

locket kabhi kangan kabhi chhalla mere aage

rahta hai hamesha hi ye KHatra mere aage

laDki mere aage hai ki laDka mere aage

hota hai shab-o-roz tamasha mere aage

badli hain yahan aaj mohabbat ki wo rasmen

shirin na rahi ab kisi farhad ke bas mein

sohni ke lage tir mahinwal ki nas mein

khati hai yahan hir kisi aur ki qasmen

majnun ko bura kahti hai laila mere aage

sunte ho aji kahti thi hawwa ki ye duKHtar

wo tarz-e-taKHatub tha ye chahat ka samundar

ab daur-e-masawat hai donon hain barabar

shauhar ko pukare hai wo ab nam hi le kar

aata hai abhi dekhiye kya kya mere aage

rakhna tha mohabbat ko chhupa dil ki kali mein

wada tha nibhane ka buri aur bhali mein

khujli hui shayad tere pairon ki tali mein

pakDi jo gai aaj raqibon ki gali mein

tu dekh ki kya rang hai tera mere aage

abba jo tere ishq ki rudad samajhte

majnun ka yaqinan hamein ham-zad samajhte

aur ghaib se bheji hui imdad samajhte

sine se lagate hamein damad samajhte

kyunkar kahun lo nam na un ka mere aage