ek barahman ne kaha hai ki ye sal achchha hai

ik barahman ne kahā hai ki ye saal achchhā hai

ham se ḳhush-fahmoñ kā yaaro ye ḳhayāl achchhā hai

na harām achchhā hai yaaro na halāl achchhā hai

khā ke pach jaa.e jo ham ko vahī maal achchhā hai

sirf na.aroñ se ġharībī to nahīñ miT saktī

mulk se saare ġharīboñ ko nikāl achchhā hai

saath begam ke milā karte haiñ das biis hazār

muft ke māloñ meñ sasurāl kā maal achchhā hai

nurse ko dekh ke aa jaatī hai muñh pe raunaq

vo samajhte haiñ ki bīmār kā haal achchhā hai

jhiḌkiyāñ sun ke udhar ham ko idhar DāñTte ho

apnī ghar vaalī kā amale pe vabāl achchhā hai

daam ġhalle ke hue jaate haiñ sar se ūñche

achchhe leader ho ġharīboñ kā ḳhayāl achchhā hai

tamkanat chaal meñ chehre pe matānat aa.ī

husn us shoḳh kā maa.il ba-zavāl achchhā hai

apne ustād ke sheroñ kā tiyā pāñcha kiyā

ai rahīm aap ke fan meñ ye kamāl achchhā hai

ek barahman ne kaha hai ki ye sal achchha hai

hum se KHush-fahmon ka yaro ye KHayal achchha hai

na haram achchha hai yaro na halal achchha hai

kha ke pach jae jo hum ko wahi mal achchha hai

sirf naron se gharibi to nahin miT sakti

mulk se sare gharibon ko nikal achchha hai

sath begam ke mila karte hain das bis hazar

muft ke malon mein sasural ka mal achchha hai

nurse ko dekh ke aa jati hai munh pe raunaq

wo samajhte hain ki bimar ka haal achchha hai

jhiDkiyan sun ke udhar hum ko idhar DanTte ho

apni ghar wali ka amale pe wabaal achchha hai

dam ghalle ke hue jate hain sar se unche

achchhe leader ho gharibon ka KHayal achchha hai

tamkanat chaal mein chehre pe matanat aai

husn us shoKH ka mail ba-zawal achchha hai

apne ustad ke sheron ka tiya pancha kiya

ai rahim aap ke fan mein ye kamal achchha hai