na puchho tumko aur dushman ko dil mein kya samajhta hun

na pūchho tum ko aur dushman ko dil meñ kyā samajhtā huuñ

use ullū tumheñ ullū kā maiñ paTThā samajhtā huuñ

Darūñ kyoñ vasl kī shab dhaul-dhappā hāthā-pā.ī se

ise to maiñ niyāz-o-nāz kā ragḌā samajhtā huuñ

gayā bachpan shabāb aayā buḌhāpā aane vaalā hai

magar maiñ to abhī tak aap ko bachcha samajhtā huuñ

liye jaatā hai mujh ko saath kyoñ dushman kī mahfil meñ

abe ullū ke paThThe is meñ kuchh dhokā samajhtā huuñ

bulātī hai mujhe ghar par jo tum ghar par nahīñ hote

tumhārī maañ ko tum se har tarah achchhā samajhtā huuñ

adū ke ghar se ulTā pā.ejāma pahn kar aa.e

añdherī raat hai kuchh daal meñ kaalā samajhtā huuñ

ye tum ne kyā kahā kyoñ dil lagī kī merī ammāñ se

ajī tauba karo maiñ to use ḳhāla samajhtā huuñ

jo pūchhā mujh se musht-e-ḳhāk ko tum kyā samajhte ho

to farmāyā ki istinje kā maiñ Dhelā samajhtā huuñ

shab-e-va.ada terī lauT-o-palaT se naak meñ dam hai

kabhī ulTā samajhtā huuñ kabhī sīdhā samajhtā huuñ

kisī ne un se pūchhā 'būm' ko tum kyā samajhte ho

to bole muskurā kar ullū kā paTThā samajhtā huuñ

na puchho tum ko aur dushman ko dil mein kya samajhta hun

use ullu tumhein ullu ka main paTTha samajhta hun

Darun kyon wasl ki shab dhaul-dhappa hatha-pai se

ise to main niyaz-o-naz ka ragDa samajhta hun

gaya bachpan shabab aaya buDhapa aane wala hai

magar main to abhi tak aap ko bachcha samajhta hun

liye jata hai mujh ko sath kyon dushman ki mahfil mein

abe ullu ke paThThe is mein kuchh dhoka samajhta hun

bulati hai mujhe ghar par jo tum ghar par nahin hote

tumhaari man ko tum se har tarah achchha samajhta hun

adu ke ghar se ulTa paejama pahn kar aae

andheri raat hai kuchh dal mein kala samajhta hun

ye tum ne kya kaha kyon dil lagi ki meri amman se

aji tauba karo main to use KHala samajhta hun

jo puchha mujh se musht-e-KHak ko tum kya samajhte ho

to farmaya ki istinje ka main Dhela samajhta hun

shab-e-wada teri lauT-o-palaT se nak mein dam hai

kabhi ulTa samajhta hun kabhi sidha samajhta hun

kisi ne un se puchha 'bum' ko tum kya samajhte ho

to bole muskura kar ullu ka paTTha samajhta hun